2023 නව වසර වෙනුවෙන් කැලැන්ඩර් හා දිනපොත් මුද්‍රණය සියයට 80 ක් 90 ක් පමණ ඇනහිට ඇතැයි ශ්‍රී ලංකා මුද්‍රණ ශිල්පීන්ගේ සංගමයේ සභාපති, සමස්ත ලංකා පොත් ප්‍රකාශකයන්ගේ සංගමයේ අනුශාසක ආරියදාස වීරමන් මහතා “දිවයින”ට පැවසීය.
මේ අනුව මෙම කැලන්ඩර්, දිනපොත් මෙන්ම ග්‍රන්ථ මුද්‍රණය කිරීම අද සිහිනයක් බවට පත්වී ඇතැයි හෙතෙම පැවසීය.
රටේ පැනනැගී තිබෙන ඩොලර් අර්බුදය අනුව කඩදාසි මිල අද ශීඝ්‍රයෙන් ඉහළ ගොස් ඇති අතර මෙම තත්ත්වය ඉතා ඉක්මනින් විසඳීමට අදාළ වගකිවයුත්තන් පියවර ගත යුතුව ඇති බවද හෙතෙම කීවේය.
මේ අතර අධිකරණ බන්ධනාගාර පුරුත්ථාපන ඇමැති විජයදාස රාජපක්‍ෂ මහතා ‘දිවයින’ට ප්‍රකාශ කර තිබුණේ මුද්‍රණ කර්මාන්තයට අවශ්‍ය කරන අමුද්‍රව්‍ය ගෙන්වා ගැනීම සඳහා යෝජනාවක් කැබිනට් මණ්ඩලයට ඉදිරිපත් කරන බවය.
නෝමන් පලිහවඩන
