ජගත් එක් දින ක්රිකට් පිටියේ වැඩිම ශතකලාභියා වීමේ වාර්තාව සියතට ගනිමින් තම 50 වැනි අර්ධ ශතකය වාර්තා කළ විරාත් කෝලි නවසීලන්තයට එරෙහිව ඊයේ (15 වැනිදා ) පැවති ලෝක කුසලාන පළමු අවසන් පූර්ව තරගයේදී ඉන්දීය කණ්ඩායමේ ලකුණු සංඛ්යාව 397 ක් දක්වා ඉහළට ගෙන ඒමට සමත් වූයේය. ඉන්දියාව කඩුලු 4 ක් දැවී ලකුණු 397 ක් රැස් කිරීමෙන් අනතුරුව අවසන් මහා තරගයට යෑමට නම් නවසීලන්තය ඉදිරියේ ලකුණු 398 ක ඉලක්කයක් ලියැවිණි.
එක්දින ක්රිකට් පිටියේ ශතක 49 ක් ලබා ගෙන සචින් ටෙන්ඩුල්කාර් තබා තිබූ ලෝක වාර්තාව ඊයේ කෝලි ඉදිරියේ බිඳ වැටුණු අතර ශ්රීයස් අයියර් ද ශතකයක් ලබාගෙන ඉන්දීය ඉනිම ශක්තිමත් කළේය.
කෝලි ලකුණු 117 ක් සහ අයියර් ලකුණු 105 ක් ලබා ගත්හ.