සිරගත කර සිටියදී මියගිය රුසියානු විපක්ෂ නායක ඇලෙක්ෂි නවාල්නිගේ දේහය “වහාම” ඔහුගේ පවුලට භාරදිය යුතු බව ඔහුගේ ප්රකාශිකා කිරා යාර්මිෂ් රුසියානු ආණ්ඩුවෙන් ඉල්ලා සිටියි.
රුසියානු බන්ධනාගාර සේවයට අනුව, රුසියානු ජනාධිපති ව්ලැඩිමීර් පුටින්ගේ දරුණු විවේචකයා වූ 47 හැවිරිදි නවාල්නි ඉකුත් 16 වැනිදා ඔහුගේ බන්ධනාගාරයේ ඇවිදීමේදී අසනීප වී සිහිසුන්ව වැටී මිය ගියේය. ඔහුගේ මරණයට හේතුව අපැහැදිලි ය.
තම නායකයාගේ මරණය ඝාතනයක් යැයි ඔහුගේ පක්ෂ සාමාජිකයෝ ආණ්ඩුවට චෝදනා කරති. ඔවුන් පවසන්නේ මෙම ඝාතනයට ජනාධිපති ව්ලැඩිමීර් පුටින් විසින් අණ කළ බවය.
නවාල්නිගේ මව සහ නීතිඥවරයා ඔහුගේ සිරුර තබා ඇති ශරීරාගාරය වෙත ගිය නමුත් එය එහි නොතිබූ බව ද වාර්තාවේ.
පරීක්ෂණ අවසන් වනතුරු නවාල්නිගේ දේහය ඔහුගේ පවුලේ අයට භාර නොදෙන බව බන්ධනාගාරය පවසා ඇත.
නවාල්නිගේ මරණයට විරෝධය පෑ පුද්ගලයන් 340 කට වැඩි පිරිසක් අත්අඩංගුවට ගෙන ඇති බව මානව හිමිකම් සංවිධාන පවසති.
මහජන ස්මාරකවල නවාල්නිට උපහාර දැක්වීමට මිනිසුන් උත්සාහ කළ විට රුසියාව පුරා නගරවල සමූහ අත්අඩංගුවට ගැනීම් සිදුවී ඇත.
නවාල්නිගේ මරණය ගැන රුසියානු ජනාධිපති ව්ලැඩිමීර් පුටින් ප්රසිද්ධියේ කතා කර නැත.