ආසියානු කුසලාන ක්‍රිකට් තරගාවලිය යටතේ සුපිරි සිව් දෙනාගේ වටයේ ශ්‍රී ලංකා කණ්ඩායම සහභාගී වන පළමු තරගය අද කොළඹ ආර් ප්‍රේමදාස ක්‍රීඩාංගනයේ දී පැවැත්වේ.බංග්ලාදේශ කණ්ඩායම සමග පැවැත්වෙන මෙම තරගය පස්වරු 3.00ට ආරම්භවේ. ශ්‍රී ලංකා ක්‍රිකට් ආයතනය පවසන්නේ, ආසියානු කුසලාන ක්‍රිකට් තරගාවලියේ සුපිරි සිව්දෙනාගේ වටයේ තරග නැරඹීමේ ප්‍රවේශපත්‍ර මිල පහළ දැමීමට තීරණය කර ඇති බවයි.ඒ අනුව කොළඹ ආර් ප්‍රේමදාස ක්‍රිකට් ක්‍රීඩාංගණයේදී පැවැත්වීමට නියමිත සුපිරි සිව්දෙනාගේ වටයේ තරග නැරඹීමේ ප්‍රවේශපත්‍ර රුපියල් 1,000ක මුදලකට ලබාගත හැකි වනු ඇති.කොළඹ ආර් ප්‍රේමදාස ක්‍රිකට් ක්‍රීඩාංගණයේ Lower Block C සහ D කොටසේ ප්‍රවේශපත්‍ර සැප්තැම්බර් මස 9,12,14, සහ 15 දිනවල පැවැත්වෙන තරග සඳහා ක්‍රීඩාලෝලීන්ට රුපියල් 1,000කට මිලදීගත හැකිවනු ඇති. මේ අතර අද පැවැත්වෙන තරගය වර්ෂාව නිසා අත්හිටුවීමට සිදු වුවහොත් හෙට එම තරගය පැවැත්වීමට තීරණය කර ඇත.එසේ වුවහොත් අද තරගය සදහා මිළදී ගත් ප්‍රවේශ පත්‍ර හෙට දිනය සදහා වලංගු බව ද සදහන් කරයි.
