කොරෝනා පැතිරෙන්නේ උද්ඝෝෂකයන් නිසා නම් ඇමැතිවරුන්ට කොරෝනා හැදුණේ කොහොමදැයි විපක්ෂ නායක සජිත් පේ‍්‍රමදාස මහතා ප‍්‍රශ්න කර සිටී.
විපක්ෂ නායකවරයා එසේ පැවසුවේ පෙරේදා (07දා* තිස්සමහාරාමයේ පැවති වැඩසටහනකට එක් වෙමිනි.
ආණ්ඩුවේ වසරක ශේෂපත‍්‍රය තුළ ඇත්තේ අසාර්ථකත්වය, නොහැකියාව සහ ජීවිත අනතුරට දැමීම පමණක් බවද ඒ මහතා පැවසීය.
විපක්ෂ නායකයා ලෙස තමන් ලබාගත් එන්නත කුමක්දැයි ආණ්ඩුවේ ඇතැමුන්ට ප‍්‍රශ්නයක් මතු වී ඇති අතර, ඒ කිසිවකුට තමන්ගේ නායකයෝ ගත්ත එන්නත කුමක්දැයි හෝ ගත්තේ කවදා දැයි කියා අසන්නට ශක්තියක් නැති වීම ගැන කනගාටු වන බව ද විපක්ෂ නායකවරයා කියා සිටියේය.
අකිත පෙරේරා
