කැනඩා රජය මගින් ශ්‍රී ලංකාවට ඩොලර් මිලියන තුනක ආධාරයක් පිරිනමා ඇත.
එක්සත් ජාතීන්ගේ සංවිධානය සහ අන්තර්ජාතික රතු කුරුස සහ රතු අඩසඳ සම්මේලනය විසින් දියත් කරන ලද මානුෂීය අභියාචනාවලට ප්‍රතිචාර වශයෙන් ශ්‍රී ලංකාවේ වඩාත් අවදානමට ලක්විය හැකි ප්‍රජාවන්ගේ අවශ්‍යතා සපුරාලීම සඳහා කැනඩාව ඩොලර් මිලියන 3 ක් (රු.මිලියන 817 ක්) ලබා දී තිබේ.
මෙම දායකත්වය එක්සත් ජාතීන් සහ රතුකුරුසය හරහා ඔවුන්ගේ දේශීය හවුල්කරුවන් සමඟ හදිසි ආහාර ආධාර, සෞඛ්‍ය සහ පෝෂණ සේවා, පිරිසිදු ජලය ලබා ගැනීම සඳහා ප්‍රවේශය සහ අනෙකුත් අත්‍යවශ්‍ය සේවාවන් වඩාත් අවශ්‍ය අයට ලබා දීමට සහාය වනු ඇත.
මීට අමතරව ශ්‍රී ලංකාවේ ආර්ථික අර්බුදයට ප්‍රතිචාර දැක්වීමට සහ ක්ෂණික අවශ්‍යතා සපුරාලීම සඳහා කැනඩාව දැනට ක්‍රියාත්මක ජාත්‍යන්තර ආධාර ව්‍යාපෘති, අත්‍යවශ්‍ය වෛද්‍ය උපකරණ හා අනෙකුත් ප්‍රදානයන් ලබා දී ඇත.
