ජාතික නිවාස සංවර්ධන අධිකාරියේ පළමු සභාපති සහ හිටපු ජනසවිය කොමසාරිස් ජනරාල් සුසිල් සිරිවර්ධන මහතා ඊයේ (25 දා) අභාවප‍්‍රාප්ත විය.
මිය යනවිට 83 වැනි වියෙහි පසුවූ ඒ මහතා ප‍්‍රතිපත්ති සැලසුම් සහ නාගරික නිවාස සහ නැවත පදිංචි කිරීම පිළිබඳ පර්යේෂකයකු ලෙස සහ ජාතික නිවාස සංවර්ධන අධිකාරියේ ජ්‍යෙෂ්ඨ උපදේශකයකු ලෙස ද කටයුතු කළේය.
දිවංගත ජනාධිපති ආර්. පේ‍්‍රමදාස මහතාගේ ‘ගම් උදාව’ වැඩසටහන ක‍්‍රියාත්මක කිරීමේ ක‍්‍රියාකාරී සාමාජිකයකු ලෙස ද කටයුතු කළ සුසිල් සිරිවර්ධන මහතා ශ්රී ලංකාවේ සමාජ සංවර්ධන කටයුතු සඳහා සුවිශේෂී දායකත්වයක් දැක්වීය.
1965 වසරේදී ශ්රී ලංකා පරිපාලන සේවයට එක්වූ ඒ මහතා එංගලන්තයේ ඔක්ස්ෆර්ඞ් විශ්වවිද්‍යාලයේ ඉගෙනුම ලැබීය.
උපාලි ද සේරම්
